Kuch Ghazlain, Meri Diary Se..

Arts & Culture Poetry ( Intikhaab & Sho'ra-e-Gupshup)
21

Re: Kuch Ghazlain, Meri Diary Se..

Aik Ghazal,

Tujhe Kho Kar Bhii Tujhe Paauun Jahaan Tak Dekhuun
Husn-E-Yazdaan Se Tujhe Husn-E-Butaan Tak Dekhuun

Tuune Yuun Dekhaa Hai Jaise Kabhii Dekhaa Hii Na Thaa
Main To Dil Men Tere Qadmon Ke Nishaan Tak Dekhuun

Sirf Is Shauq Men Puuchii Hain Hazaaron Baaten
Main Teraa Husn, Tere Husn-E-Bayaan Tak Dekhuun

Vaqt Ne Zehn Men Dhundhlaa Diye Tere Khadd-O-Khaal
Yuun To Main Tuutte Taaron Kaa Dhuaan Tak Dekhuun

Dil Gayaa Thaa To Ye Aankhen Bhii Ko’ii Le Jaataa
Main Faqat Ek Hii Tasviir Kahaan Tak Dekhuun

Ek Haqiiqat Sahii Firdaus Men Huuron Kaa Vajuud
Husn-E-Insaan Se Nipat Luun To Vahaan Tak Dekhuun

Umeed Hai Aap Logon Ko Pasand Aye Gi..

Regards,

22

Re: Kuch Ghazlain, Meri Diary Se..

Aik Ghazal,

Shaam Ko Sub’h-E-Chaman Yaad Aa’ii
Kis Kii Khushbuu-E-Badan Yaad Aa’ii

Chaand Jab Duur Ufaq Par Duubaa
Tere Lahje Kii Thakan Yaad Aa’ii

Yaad Aaye Tere Paikar Ke Khutuut
Apnii Kotaahii-E-Fann Yaad Aa’ii

Jab Khayaalon Men Ko’ii Mor Aayaa
Tere Gesuu Kii Shikan Yaad Aa’ii

Din Shuaaon Se Ulajhte Guzraa
Raat Aa’ii To Kiran Yaad Aa’ii

Hope Ke Aap Logon Ki Pasand Ke Mayar Pe Poori Utray..

Regards,

23

Re: Kuch Ghazlain, Meri Diary Se..

Nice Selection Man!

Great Collection under 1 thread.
No Sweat ;) KooL

Pakistan v England - 2nd Test - Aug 6-10
24

Re: Kuch Ghazlain, Meri Diary Se..

Ghalib Ki Kia He Baat Hai..

Baaziichaa-E-Atfaal Hai Duniyaa Mere Aage
Hotaa Hai Shab-O-Roz Tamaashaa Mere Aage

Ik Khel Hai Aurang-E-Sulemaan Mere Nazdiik
Ik Baat Hai Ijaaz-E-Masiihaa Mere Aage

Juz Naam Nahiin Suurat-E-Aalam Mujhe Manzuur
Juz Vahm Nahiin Hastii-E-Ashyaa Mere Aage

Hotaa Hai Nihaan Gard Men Sehraa Mere Hote
Ghistaa Hai Jabiin Khaak Pe Dariyaa Mere Aage

Mat Puuchh Ke Kyaa Haal Hai Meraa Tere Piichhe
Tuu Dekh Ke Kyaa Rang Hai Teraa Mere Aage

Sach Kahte Ho Khud’biin-O-Khud’aaraa Huun Na Kyuun Huun
Baithaa Hai But-E-Aa’iinaa-Siimaa Mere Aage

Phir Dekhiye Andaaz-E-Gul’afshaanii-E-Guftaar
Rakh De Ko’ii Paimaanaa-E-Sahbaa Mere Aage

Nafrat Ka Gumaan Guzre Hai Main Rashk Se Guzraa
Kyuun Kar Kahuun Lo Naam Naa Us Kaa Mere Aage

Iimaan Mujhe Roke Hai Jo Khiinche Hai Mujhe Kufr
Kaabaa Mere Piichhe Hai Kaliisaa Mere Aage

Aashiq Huun Pe Maashuuq-Farebii Hai Mera Kaam
Majnuun Ko Buraa Kahtii Hai Lailaa Mere Aage

Khush Hote Hain Par Vasl Men Yuun Mar Nahiin Jaate
Aayii Shab-E-Hijraan Kii Tamannaa Mere Aage

Hai Mauj’zan Ik Qulzum-E-Khuun Kaash! Yahii Ho
Aataa Hai Abhii Dekhiye Kyaa-Kyaa Mere Aage

Go Haath Ko Jumbish Nahiin Aankhon Men To Dam Hai
Rahne Do Abhii Saaghar-O-Miinaa Mere Aage

Ham’peshaa-O-Ham’mashrab-O-Ham’raaz Hai Meraa
Ghalib Ko Buraa Kyuun Kaho Achaa Mere Aage

Umeed Hai Aap Logon Ko Bhi Pasand Aye Gi..

Regards,

PS: Thnx alot aabla-pa for appreciation.. :)

Having a Sister Improves Mental Health
25

Re: Kuch Ghazlain, Meri Diary Se..

Aik Ghazal,

Tujhse Bicchar Ke Ham Bhii Muqaddar Ke Ho Gaye
Phir Jo Bhii Dar Mila Hai Usii Dar Ke Ho Gaye

Phir Yun Hu’aa Ke Ghair Ko Dil Se Lagaa Liyaa
Andar Vo Nafraten Thiin Ke Baahar Ke Ho Gaye

Kyaa Log The Ke Jaan Se Barh Kar Aziiz The
Ab Dil Se Mahv Naam Bhii Aksar Ke Ho Gaye

Ai Yaad-E-Yaar Tujh Se Karen Kyaa Shikaayaten
Ai Dard-E-Hijr Hum Bhii To Patthar Ke Ho Gaye

Samjhaa Rahe The Mujh Ko Sabhii Nasehaan-E-Shehar
Phir Raftaa Raftaa Khud Usii Kaafir Ke Ho Gaye

Ab Ke Na Intizaar Karen Chaaragar Kaa Ham
Ab Ke Gaye To Kuu-E-Sitamgar Ke Ho Gaye

Rote Ho Ek Jaziira-E-Jaan Ko “Faraz” Tum
Dekho To Kitne Shah’r Samandar Ke Ho Gaye

Umeed Hai Pasand Aye Gi..

Regards,

Pakistan v England - 2nd Test - Aug 6-10
26

Re: Kuch Ghazlain, Meri Diary Se..

love this one :)
thanks 4 sharing

27

Re: Kuch Ghazlain, Meri Diary Se..

Faraz Ki Aik Aur Ghazal, Jisay Pankaj Ne Buhat Acha Gaya Tha..

Kathin Hai Raahguzar Thorii Duur Saath Chalo
Bahut Karaa Hai Safar Thorii Duur Saath Chaalo

Tamaam Umr Kahaan Ko’ii Saath Detaa Hai
Main Jaantaa Huun Magar Thorii Duur Saath Chalo

Nashe Men Chuur Huun Main Bhii Tumhen Bhii Hosh Nahiin
Baraa Mazaa Ho Agar Thorii Duur Saath Chalo

Ye Aik Shab Kii Mulaaqaat Bhii Ghaniimat Hai
Kise Hai Kal Ki Khabar, Thorii Duur Saath Chalo

Abhii To Jaag Rahe Hain Chiraagh Raahon Ke
Abhii Hai Duur Sahar Thorii Duur Saath Chalo

Tavaaf-E-Manzil-E-Jaanaan Hamen Bhii Karnaa Hai
“Faraz” Tum Bhii Agar Thorii Duur Saath Chalo

Umeed Hai Aap Logon Ko Bhi Pasand Aye Gi..

Regards,

28

Re: Kuch Ghazlain, Meri Diary Se..

Faraz Ki To kya hE bAat HAI aur Apke selection ki bhi :)

29

Re: Kuch Ghazlain, Meri Diary Se..

Redidentity ap tou chah gaey hain...
boht khobsorat collection hai ap ki:)

30

Re: Kuch Ghazlain, Meri Diary Se..

Aap Sab Ka Buhat Buhat Shukria.. Blush

31

Re: Kuch Ghazlain, Meri Diary Se..

Zabardst collection redidentity...

I love most of them...

[quote]
Labon Pe Phool Khiltay Hain Kisi Ke Naam Se Pahle
Dilon Ke Deep Jalte Hain Charagh-E Shaam Se Pahle

Kabhi Manzar Badalne Par Bhi Qissa Chal Nahin Pata
Kahani Khatam Hoti Hai Kabhi Anjaam Se Pahle

Yahi Taare Tumhaari Aankh Ki Chilman Mein Rehte The
Yahi Sooraj Nikalta Thaa Tumhare Baam Se Pahle

Hui Hai Shaam Jungle Main Parinde Laut.Te Honge
Ab In Ko Kis Tarah Rokain Nawaah-E-Daam Se Pahle

Ya Saare Rang Murdaa The Tumhaari Shakl Banne Tak
Ya Saare Harf Muhmal The Tumhaare Naam Se Pahle

Huaa Hai Wo Agar Munsif Tou Amjad Ihtiyatan Ham
Sazaa Tasleem Karte Hain Kisi Ilzam Se Pahle
[/quote]

[quote]
Tum Chalay Jao Jab Bhi, Tou Dekhoon Tumhara Rasta
Tum Laut Ke Na Aao, Aisa Kabhi Na Kerna..
[/quote]

32

Re: Kuch Ghazlain, Meri Diary Se..

Thank You.. Nakhan :$

33

Re: Kuch Ghazlain, Meri Diary Se..

Doctor Bashir Badr Ki Aik Buhat Sada Si Ghazal, Jo Buhat Khoobsruat Bhi Hai..

Khuda Hum Ko Aise Khudai Na De
Ke Apne Siwa Kuch Dikhai Na De

Khata-war Samjhay Ge Dunya Tujhay
Ab Itni Zyada Safai Na De

Khuda Aise Ehsas Ka Naam Hai
Rahay Saamnay Aur Dikhai Na De

Mujhe Aisi Jannat Nahi Chaheay
Jahan Se Madina Dikhai Na De

Main Ashkon Se Naam-e-Mohammad Likhon
Qalam Chheen Le Roshnai Na De

Mujhe Apni Chaadar Main Yuun Dhaanp Lo
Zameen Aasmaan Kuch Dikhai Na De

Umeed Hai Aap Logon Ko Pasand Aye Gi..

Regards,

PS: Yeh Ghazal Mujhe Jitni Yaad Thi Likh Di, Iss Leay Ager Ashaar Agay Peechay Hogaye Hon Tou Maazrat..

34

Re: Kuch Ghazlain, Meri Diary Se..

Adeem Hashmi Ki Aik Ghazal,

Kat Hi Gai Judai Bhi Kab Yun Hua Ke Mar Gaye
Tere Bhi Din Guzar Gaye Mere Bhi Din Guzar Gaye

Tu Bhi Kuch Aur Aur Hai Ham Bhi Kuch Aur Aur Hain
Jane Wo Tu Kidhar Gaya Jane Wo Ham Kidhar Gaye

Rahon Main Hi Mile The Ham Rahen Nasib Ban Gain
Tu Bhi Na Apne Ghar Gaya Ham Bhi Na Apne Ghar Gaye

Wo Bhi Ghubar-E-Khak Tha Ham Bhi Ghubar-E-Khak The
Wo Bhi Kahin Bikhar Gaya Ham Bhi Kahin Bikhar Gaye

Koi Kinar-E-Ab-E-Ju Baitha Hua Hai Sarnigun
Kashti Kidhar Chali Gai Jane Kidhar Bhanwar Gaye

Tere Liye Chale The Ham Tere Liye Thehar Gaye
Tu Ne Kaha To Ji Uthe Tu Ne Kaha To Mar Gaye

Waqt Hi Kuch Judai Ka Itna Taveel Ho Gaya
Dil Mein Tere Firaq Ke Jitne The Zakhm Bhar Gaye

Barish-E-Vasl Wo Hui Sara Gubar Dhul Gaya
Wo Bhi Nikhar Nikhar Gaya Ham Bhi Nikhar Nikhar Gaye

Itne Qarib Ho Gaye Itne Raqib Ho Gaye
Wo Bhi "Adeem" Dar Gaya Ham Bhi "Adeem" Dar Gaye

Umeed Hai Aap Logon Ko Pasand Aye Gi..

Regards,

~*~ Aao Urdu BolaiN ~*~
35

Re: Kuch Ghazlain, Meri Diary Se..

Aik Ghazal,

Khud Apne Liye Baith K Sochenge Kisi Din
Yun Hai K Tujhe Bhul K Dekhenge Kisi Din

Bhatake Hue Phirte Hain Kai Lafz Jo Dil Main
Duniya Ne Diya Vaqt To Likkhenge Kisi Din

Hil Jayenge Ik Bar To Arshon K Dar-O-Bam
Ye Khaknashin Log Jo Bolenge Kisi Din

Apas Ki Kisi Bat Ka Milta Hi Nahi Vaqt
Har Bat Ye Kahae Hain K Baithenge Kisi Din

Ai Jan Teri Yad K Be-Nam Parinde
Shakhon Pe Mere Dard Ki Utrenge Kisi Din

Jati Hai Kisi Jhil Ki Gahrai Kahan Tak
Ankhon Main Teri Dub K Dekhenge Kisi Din

Khushbu Se Bhari Sham Main Jugnu K Qalam Se
Ik Nazm Tere Vaste Likkhenge Kisi Din

Soyenge Teri Ankh Ki Khlvat Main Kisi Rat
Saye Main Teri Zulf K Jagenge Kisi Din

Khushbu Ki Tarah ,Asl-E-Saba Khak Numa Se
Galiyon Se Tere Shahar Ki Guzrenge Kisi Din

'Amjad' Hai Yahi Ab K Kafan Bandh K Sar Se
Us Shahar-E-Sitamgar Main Jayenge Kisi Din

Umeed Hai Pasand ye Gi..

36

Re: Kuch Ghazlain, Meri Diary Se..

Perveen Shakir Ki Aik Ghazal,

Chara-Gar Haar Gaya Ho Jesay
Abb To Marna He Dawa Ho Jesay

Mujh Se Bichhra Thaw O Pehle Bhi Magar
Abb Ke Yeh Zakhm Naya Ho Jesay

Meray Maathay Pe Teray Pyar Ka Hath
Rooh Per Dast-E-Saba Ho Jesay

Yuun Buhat Hans Ke Mila Tha, Lekin
Dil He Dil Main Wo Khafa Ho Jesay

Sir Chhupa-Ain To Badan Khulta Hai
Zeest Muflis Ki Rida Ho Jesay

Umeed Hai Aap Logon Ko Pasand Aye Gi..

Regards,

37

Re: Kuch Ghazlain, Meri Diary Se..

Bohat achha intekhaab,maza aaya parh kar.

38

Re: Kuch Ghazlain, Meri Diary Se..

Thnx alot Aqal Less Jee :)

39

Re: Kuch Ghazlain, Meri Diary Se..

Meray Qareeb Tou Aao Buhat Udaas Hoon Main
Bus Aaj Toot Ke Chaho Buhat Udaas Hoon Main

Kisi Bhi Jhootay Dilasay Se Dil Ko Behlao
Koi Kahani Sunao, Buhat Udaas Hoon Main

Andheri Raat Hai Kuch Bhi Nazar Nahi Aata
Sitaray Torr Ke Lao, Buhat Udaas Hoon Main

Suna Hai Prem Nagar Main Khushi Bhi Milti Hai
Mujhay Yaqeen Dilao, Buhat Udaas Hoon Main

Yeh Shaam Yunhi Guzar Jaye Gi Dabay Paon
Wafa Ke Geet To Gao, Buhat Udaas Hoon Main

40

Re: Kuch Ghazlain, Meri Diary Se..

Aik Ghazal,

Chaand Bhi Khoya Khoya Sa Hai Taray Bhi Khuabeeda Hain
Aaj Faza Ke Bojhal-Pan Se Lehjay Bhi Sanjeeda Hain

Janay Kitnay Logon Se Iss Dil Ke Kia Kia Rishtay Thay
Hijr Ki Iss Abaad Saraa Main Sab Chehray Na-Deeda Hain

Itnay Barsoon Baad Bhi Dono Kese Toot Ke Miltay Hain
Tuu Hai Kitna Sada-Dil Aur Hum Kitnay Paicheeda Hain

Sunn Janan Hum Tark-E-Ta-Alluq Kisi Aur Din Ker Laingay
Aaj Tujhay Bhi Ujlat See Hai Aur Hum Bhi Kuch Ranjeeda Hain

Ghar Ki Wo Makhdoosh Imaarat Girr Ke Phir Tameer Huee
Abb Aangan Main Pair Hain Jitney Sab Shaakh Bareeda Hain

Iss Basti Main Aik Sarak Hai, Jis-Say Hum Ko Nafrat Hai
Uss Ke Neechay Pak-Dandi Hai Jis Ke Hum Gerweeda Hain

:)

Umeed Hai Aap Logon Ko Pasand Aye Gi..

Regards,