gaon ki had-bandi ke kareeb
kabristan ke pass
ik andhe koain ke kinaare pe khare ho ker
us ne kaha tha mujhse
“mere naseh mere maseeha
koi or rasta nahin he kya
ke usko yakeeN aaye
mujhey us se mohabbat he
kabhi kahin se wo palat aaye
borhe man bap ka aakhri sahara hon
duniya kya kahe gi
log kya bolain ge
kahin meri jan daene ka maksad hi na kho jaye
mere naseh mera laho raaigaN hi na ho jaye”
or maine kaha tha us se
“ishq shaan bhi maangta he jaan bhi
rasta bhi chhenta he saman bhi
kood jaa
meri baat maan
kood jaa
samundar paar jane wale kab palat’te hain
mudatoN aik raste pe chalne wale kab badalte hain
dua bhi ker ke dekhi tu ne dawa bhi ker ke dekhi
kya mila
ujre sunsaan rastoN pe bichhi hui shikasta aankhain
or un aankhoN main parti hui laal dararain
o kamsin nadan larki
kab talak jalaye gi chirag umeedoN ke
raste dekhi gi shab-ratoN ke edioN ke
kood ja”
“mgr naseh koi or rasta nahin he kya”
ye kehte hi ik wajood serapaye ishq
gaoN ki had-bandi ke kareeb
kabristan ke paas
ik andhe koain main kood gya
or aaj main naseh main maseeha
jab lazat-e-ishq se labrez huwa
to mere jism ka aik aik khuliya goonj utha
“mere naseh mere maseeh koi or rasta nahin he kya”