kon rok sakta hay..

Arts & Culture Poetry ( Intikhaab & Sho'ra-e-Gupshup)
1

**
Lakh zabt-e-khuwhish kay
bay shumar da’vay hoon
usko bhool janay kay
bay-panah iraday hoon
or us muhabbat ko tark kar kay jenay ka
fesla sun-nanay ko
kitnay lafz sochay hon
dil ko us ke aa’hat par
barmala dharaknay say kon rok sakta hay
phir vafa kay sahra main
uskay narm lehjay or sogavar aankhon ke
khushb’oon ko chonay ke
justajo main rahnay say
rooh tak pighalnay say
nangay pa’oon chalnay say
kon rok sakta hay
aanso’on ke barish main
chah’hay dil kay hathoon main
hijr kay musafir kay
pa’oon tak be choo aao
jis ko lot jana ho
usko door janay say
rasta badalnay say
door ja nikalnay say
kon rok sakta hay
**

2

Re: kon rok sakta hay..

bohat hi khobsorat nnazam hai baziger sach main bohat hi asar rakhti hai apnay andar

3

Re: kon rok sakta hay..

Classic. Is nazm ki ta'reef mein kuch suniye ;

Nazm hai k saawan ki
Baarishon ka paani hai
Nazm hai k chaahat ki
Dil-nashee(n) kahaani hai
Is k saare lafzon ko
Rooh mein utarne se
Kaun rok sakta hai...!!!

4

Re: kon rok sakta hay..

lollz… thanks,no doubt this is wonderfull piece of poetry by Noshi Gilani.