koii mehrbaaN naheeN saath maiN, koii haat bhi naheeN haat maiN

Arts & Culture Poetry ( Intikhaab & Sho'ra-e-Gupshup)
, ,
1

dosto!
adaab,

aik muddat ba’d yahaaN aana hua hay, socha taaza ghazal aap ki khidmat maiN pesh ki jaaye… so haazir e khidmat hay… Aap ki aaraa aur tabsaray ka intezaar rahay ga.

koii mehrbaaN naheeN saath maiN, koii haat bhi naheeN haat maiN
haiN udaasiyaaN meri muntazir, sabhi raastoN maiN jehaat maiN

hay khabar mujhay kay ye tum naheeN, kisi ajnabi ko bhi kya paRi
sabhi aashna bhi haiN rubaru, tau ye kaun hay meri Ghaat maiN

ye udaasiyooN ka jo rang hay, koii ho na ho meray sang hay
meray she’r maiN, meri baat maiN, meri aadatoN maiN sifaat maiN

keraiN aitbaar kisi pe kya kay ye shehar, shehr-e-nifaaq hay
jahaaN muskuraatay haiN lab kaheeN, waheeN tanz hay kisi baat maiN

chalo ye bhi maana, ae hamnava! key taGhiuraat kay maasiva
naheeN mustaqil koii shae yahaaN tau ye hijr kyooN hay cabaat maiN

meri dastaras maiN bhi kuch naheeN, naheeN teray bas maiN bhi kuch naheeN
maiN asiir-e-kakul-e-ishq hooN mujhay kya milay ga nijaat maiN

Muhammad Ahmed

2

very very nice....dil ko chhooleny wala kalaam......thanks

3

Very nice:)

4

wahh! keep up the good work :)

5

very beautiful Ahmad…excellent rhythm…:bb:

6

Yeh do sher bohat hi umda haiN.. aur bohat gehrayi mehsoos hoti hai hai laf'zoN key chunao meiN.. Shayad inmeiN kuch apna sa aqs jhilmaata hai, isliye.. :-) Aap likhtey rahiye aur yahaN pey share bhi kartey rahiye.. :-)

7

Re: koii mehrbaaN naheeN saath maiN, koii haat bhi naheeN haat maiN

wah bohat hi khoob likha hai... please keep sharing

puraany loug bohat acha likha kartay thy... pata nahin sub kyon ghayeb ho gai

8

Re: koii mehrbaaN naheeN saath maiN, koii haat bhi naheeN haat maiN

meri dastaras maiN bhi kuch naheeN, naheeN teray bas maiN bhi kuch naheeN
maiN asiir-e-kakul-e-ishq hooN mujhay kya milay ga nijaat maiN

beautiful sharing keep it up lakin is main koi jani pehchani shaksiat nazar a rahi kahiN ap WO tu nahi :)

LAWN MANIA 2012
9

Re: koii mehrbaaN naheeN saath maiN, koii haat bhi naheeN haat maiN

S.786, Muddii, Shab-e-Hijr, Abeeha, Khamosh NigaahaiN, Chacha Ghalib aur Koyal...

aap sab ka bohat shukria... aik baar phir Ghayab ho jaanay aur taakheer say aanay per muazrat chaahooN ga.. meri masroofiyaat kuch isi qisim ki haiN...

koyal maiN WO to naheeN hooN... phir bhi maiN KOII to hooN... :)

bahar kaif tamaam dostoN ka bay had shukria kay unhoN nay mera hosla baRhaaya aur apni GiraaN qadr aara say navaaza..

Mukhlis,
Muhammad Ahmed.

10

Re: koii mehrbaaN naheeN saath maiN, koii haat bhi naheeN haat maiN

"meray she’r maiN, meri baat maiN, meri aadatoN maiN sifaat maiN"

Tht was superb.. am really impressed by your work bro.!!!
Thanks for sharing.

11

Re: koii mehrbaaN naheeN saath maiN, koii haat bhi naheeN haat maiN

Ahmed ap tu bohat khoob likhtye like as per Koyal Ap Wo nahi tu KOII ka intro tu karwana he parey gha wesay kinara ko b yaad kara dya ap ne WO :)

12

Re: koii mehrbaaN naheeN saath maiN, koii haat bhi naheeN haat maiN

thanx for sharin

13

shukria...! ye aap ka husn-e-zoq hay jo aap ko meri ghazal achhi lagi... khush rahiaye....

14

bohat shurkria kinara!

aap log jis "WO" ka zikr ker rahay haiN maiN us say waqif naheeN rahi baat intro ki tau maiN yahaaN naya to naheeN hooN, bas ye hay kay aana bohat hi kam hota hay... lekin maiN kabhi "kinara-kash" naheeN hua..... :)

15

shukria ka shukria!

khush rahaiye....!