koii baat abhii huii hai k guzar gaye zamaane...my Dad's Ghazal

[GuL-e-Tasbeeh]

Re: koii baat abhii huii hai k guzar gaye zamaane…my Dad’s Ghazal

@Khalil KhaaN FaaKhta

**

koii baat abhii huii hai k guzar gaye zamaane
vohii merii Khud_farebii, vohii aapke bahaane

yeh palak se chaand hii tak haiN sunehre taar tere
tu kise sunaa rahii hai merii chash-e-tar taraane

mire waaqi’aat ab tak haiN usii taraH ke saare
k suno to ik Haqeeqat, na suno to sab fasaane

mujhe hogaa koii dhokaa, na tumheN maza milegaa
mire dil ko ab na chheRo kisii cheez ke bahaane

tiraa Husn-e-be-niyaazii hai bahot qareeb mujh se
nahiiN door ab k yeh dil tiraa dard bhii na jaane

yeh nigaah door tak thii k chaman pe barq chamkii
isii raushnii meN mujhko nazar aaye aashiyaane

terii raHmatoN ke sadqe, mirii zeHmateN haiN tujh se
mujhe dekh le jo pahle to gunaah_gaar jaane

**

Buhat Umda Ghazal hai ,thanks for sharing