koii baat abhii huii hai k guzar gaye zamaane...my Dad's Ghazal

[Amal]

Re: koii baat abhii huii hai k guzar gaye zamaane…my Dad’s Ghazal

@Khalil KhaaN FaaKhta

**1.
koii baat abhii huii hai k guzar gaye zamaane
vohii merii Khud_farebii, vohii aapke bahaane

mire waaqi’aat ab tak haiN usii taraH ke saare
k suno to ik Haqeeqat, na suno to sab fasaane

tiraa Husn-e-be-niyaazii hai bahot qareeb mujh se
nahiiN door ab k yeh dil tiraa dard bhii na jaane

yeh nigaah door tak thii k chaman pe barq chamkii
isii raushnii meN mujhko nazar aaye aashiyaane

terii raHmatoN ke sadqe, mirii zeHmateN haiN tujh se
mujhe dekh le jo pahle to gunaah_gaar jaane

**

Khalil bhai kya kamaal ki ghazal hey ye. Aek aek sheir apni jaga bazaat-e-khud aek ghazal hey … Kuch aashaar to bohat ziaada achey lagey wo quote keeye heiN, lekin tamaam ghazal hi shaandar hey. Ye ghazal hamaarey saath share karne ke leeye be’had shukriya Aur haaN, agli qist ka shiddat sey intizaar rahey ga