Koi zanjeer ho
aahan ki chandi ki riwayat ki
mohabbat torr sakti hai
yeh aisi dhaal hai jiss par
zamanay ki kisi talwar ka loha nahi chalta
yeh aisa sheher hai jiss main
kisi aamir, kisi sultan ka sikka nahi chalta
agar chashm-e-tamasha me zara si bhi milawat ho
yeh ayena nahi chalta
yeh aise aag hai jiss main
badan shoolon me jaltay hain to rohain muskurati hain
yeh wo sailab hai jiss ko
dilon ki bastyan awaz dekar khud bulati hain
yeh jab chahy kisi bhi khwab ki tabeer mil jaye
jo manzar bujh chukay hain unko bhi tanveer mil jaye
dua jo be thikana thi ussay tabeer mil jaye
kisi rastay me rasta pochti taqdeer mil jaye
mohabbat rok sakti hai samay k tezz dharay ko
kisi jaltay shararay ko fana k istaaray ko
mohabbat rok sakti hai kisi girtay sitaray ko
yeh chikna chor ayenay ki kirchain jorr sakti hai
jidher chahain yeh bagain mausmon ki morr sakti hai
koi zanjeer ho ussko mohabbat tor sakti hai