**Diyaar-e noor meiN teera shabooN ka sathi ho
Koi tou ho ju meri wehshatooN ka saathi ho
MeiN Uss ke haath na aaoN wo mera ho ke rahe ****
MeiN gir paroN tou meri pastiyoN ka sathi ho
Kare kalaam ju mujh se tou mere lehjay meiN ****
MeiN chup rahoN tou mairay taivaroN ka saathi ho
.**
**salaam Farah,
zabardast Ghazal hai...aapkaa intiKhaab hamesha hii paaye kaa hotaa hai. is Ghazal meN kia Khoob naGhmagii kooT kooT ke bharii huii hai...kia aapko pataa hai k yeh Ghazal kis shaa'ir kii hai?
go k tamaam tar ash'aar umda haiN magar yeh ash'aar bahooot pasand aaye...shukria share karne ke liye :)
**
KKF mujhay yeh kehtay huway buhat sharmindagi hu rahi hay, lekin shair ka naam mujhay yaad nahi aa raha..
koi 12-13 saal pehlay perdhi thee yeh ghazal... iski khoobsoorti ki wajah say dimagh main naqsh hu ker reh gayee hay..
ari waah...is qadar pasand aayii aapko...waah...is meN kia shak hai k yeh intihaaii Khoobsoorat Ghazal hai...are aap ko sharminda hone kii qata'an zaroorat nahiiN...ab shaa'ir kaa naam yaad honaa ash'aar kii Khoobsoortii ke liye zaroorii nahiiN...isii liye to kahte haiN k insaan chalaa jaataa hai magar uske alfaaz goonjte haiN...aaj na jaane kitne aise log hoNge jinko yeh nahiiN pataa hogaa k jo zarb-ul-imsaal ash'aar vo aksar paRhte haiN kis shaa'ir kaa hai...to, its ok :D
