**Aankh Ban Jati Hai Saawan Ki Ghata Sham K Baad
Loat Jata Hai Agar Koi Khafa Sham K Baad
Woh Jo Tal Jati Rahi Sir Se Bala Sham K Baad
Koi To Tha K Jo Deta Tha Dua Sham K Baad
Aahein Bharti Hai Shab-e-HijR Yateemon Ki Tarah
Sard Ho Jati Hai Har Roz Hawa Sham K Baad
Sham Tak Qaid Raha Kartay Hain Dil K Andar
Dard Ho Jatay Hain Saray Hi Riha Sham K Baad
Log Thak Haar K So Jatay Hain Laikin Janaa !
Hum Ne Khush Ho K Tera Dard Saha Sham K Baad
Sham Se Pehlay Talak Laakh Sulaye Rakhein
Jaag Uthti Hai Mohabbat Ki Aana Sham K Baad
Khuwab Takra Kar Palat Jatay Hain Band Aankhon Se
Janay Kis Jurm Ki Kis Ko Hai Saza Sham K Baad
Chand Jab Ro K Sitaron Se Galay Milta Hai
Ek Ajab Rang Ki Hoti Hai Fiza Sham K Baad
Hum Ne Tanhai Se Poocha K Milogi Kab Tak
Us Ne Bechaini Se Foran Hi Kaha Sham K Baad
Mein Agar Khush Hi Rahon Phir Bhi Meray Seenay Mein
Sogwari Koi Roti Hai Sada Sham K Baad
Tum Gaye Ho To Siyah Rang K Kapray Pehnay
Phirti Rahi Hai Meray Ghar Mein Qaza Sham K Baad
Loat Aati Hai Meri Shab Ki Ibadat Khali
Janay Kis Arsh Pe Rehta Hai Khuda Sham K Baad
Din Ajab Muthi Mein Jakray Huye Rakhta Hai Mujhey
Mujh Ko Is Baat Ka Ehsaas Hua Sham K Baad
Koi Bhoola Hua Gham Hai Jo Musalsal Mujh Ko
Dil K Pataal Se Deta Hai Sada Sham K Baad
Maar Deta Hai Ujar Janay Ka Dohra Ehsaas
Kaash Ho Koi Kisi Se Na Juda Sham K Baad
-=EnD=- (Farhat Abbas Shah)**