Koi To Merey Ristey Hoye ZakhmoN Ka Marham Kar De
Baar-e-Taqdeer Uthaa Sakoon Aisa Mujasam Kar De
Khudaraa Koi To Mujhey Meri Pehchaan Bata De
Ya Phir Apni Hi Zaat Mein Mujhey Gum Kar De
Toot ti Hoyi SaansoN Ko Jeeney Ka ArmaaN De De
Merey Seeney Mein Lagi Aag Ko Madham Kar De
Kiya Meri Qismat Mein Khushiyon Ki Barsaat Nahee
Koi To Merey Piyaasey Hoton Ko Num Kar De
Sitam Dar Sitam Zindagi Ka Hasil Hain
Koi Maseeha Nahee Jo Dawaa-e-Gham Kar De
Sir Se Le Kar Paayon Tak Lahoo Lahoo Hoon Mein
Ae Khuda Ab To Merey Haal Pe Rehm Kar De
Maloom Ho Chuka Zindagi Ki Haqeeqat Kiya Hai
Bohut Jee Chuka Elaahi Ab Isey Kam Kar De !!!