koi to aisee shaam ho, eik pal ko tujhe bhula sakuN
muddat ke baad khood ko, apne aap se mila sakuN
dostoN kaza ki dua karo, wo din to aaye naseeb meiN
wo baarahaa bulaayaa kare, aur maiN na aa sakuN
apne rahbaree ki chhaoN meiN, kamzarf na banaa, kahiN
kal tu jo haath chhod de, eik kadam na maiN baDaa sakuN
aasmaaN hi gar adoo hai, eik mauka too to ataa karey
haatho meiN tere naam ki, eik lakeer maiN bana sakuN
dunia ke rasm-o-riwaaz se, mujhe door le ke chal, jahaaN
apne maazi ke har nishaaN ko, tere pyar se mitaa sakuN
naatwaanee par meri , barsoN jahaaN haNstaa rahaa
tere ishq ne yuN buland kiya, ab chaaNd ko maiN pa sakuN
tere hizra ka nahiN haif, mujhe aik karam se navaaz de
kabhee mujhe jo neeNd aaye, khwaab mein tujhe bulaa sakuN
mera yakeen kar mere humsafar, ye ishq mera guroor hai
tu jo haath de mere haath meiN, aasmaaN ko maiN jhuka sakuN
mere khaloos meiN gar iffat hai, to wo din bhi aaye ke tujhe
ho raushani ki justjoo, maiN apna ghar jalaa sakuN
ye ishq ki intehaaN nahiN , hai aur kya mere hamnasheeN
tu dua mein hai kise aur ki, main ashq bhi na bahaa sakuN
Baza ye zabt-e-gham phir bhi,mohabbat meiN kabhi ro ley
Dabaane ke liye har dard, ye naadaN nahiN hota.