koi to aisee shaam ho, eik pal ko tujhe bhula sakuN

Arts & Culture Poetry ( Intikhaab & Sho'ra-e-Gupshup)
1

pichhle kaafii dinoN se kuchh likha nahin hai maiNe…office mein bahot busy hooN…Ye yuN to kuchh puraani ghazal hai meri magar aaj padha to aisa laga maano jazbaat bas abhii hii ke haiN.. soncha aap logon se bhii share kar looN…

koi to aisee shaam ho, eik pal ko tujhe bhula sakuN
muddat ke baad khood ko, apne aap se mila sakuN

dostoN dua-e-kazaa karo, wo din to aaye naseeb meiN
wo baarahaa bulaayaa kare, aur maiN na aa sakuN

apne rahbaree ki chhaoN meiN, kamzarf na banaa, kaheeN
kal tu jo haath chhod de, eik kadam na maiN baDaa sakuN

aasmaaN hi gar adoo hai, eik mauka tu to ataa karey
haatho meiN tere naam ki, eik lakeer maiN bana sakuN

dunia ke rasm-o-riwaaz se, mujhe door le ke chal, jahaaN
apne maazi ke har nishaaN ko, tere pyar se mitaa sakuN

naatwaanee par meri , barsoN jahaaN haNstaa rahaa
tere ishq ne yuN buland kiya, ab chaaNd ko maiN pa sakuN

mera yakeen kar mere humsafar, ye ishq mera guroor hai
tu jo haath de mere haath meiN, aasmaaN ko maiN jhuka sakuN

gar iffat hai mere khaloos maiN , to wo din bhi aaye ke tujhe
ho raushani ki justjoo, maiN apna ghar jalaa sakuN

ye intehaa e ishq nahiN , hai aur kya mere hamnasheeN
tu dua mein hai kise aur ki, main ashq bhi na bahaa sakuN

2

Very nice thanks for sharing

3

Allah office ka bhalay karay .. tund jazbat thay mashallah say :k:

4

ghazal pasand karne ke liye shukriya Dilsay and Azad

5

Re: koi to aisee shaam ho, eik pal ko tujhe bhula sakuN

Pramod intehaai khoobsoorat ghazal hey:k:
Lagta to yuN hey ke aap ney pehley bhi ye post ki
hey idhar. But in any case, it’s lovely enough to
read again. Thanx for sharing with us.

6

Re: Re: koi to aisee shaam ho, eik pal ko tujhe bhula sakuN

Amal Sahab, your words always inspire me a lot. Thanks for it.
Since it is a little old ghazal of mine, the possibility is there that I might have posted it earlier.

anyway…thanks for liking.

7

Re: koi to aisee shaam ho, eik pal ko tujhe bhula sakuN

just one word beautifulllll :k:

8

Buhat Khoob:flower1:…

9

nice ghazal Pramod ji...

10

gar iffat hai mere khaloos maiN , to wo din bhi aaye ke tujhe
ho raushani ki justjoo, maiN apna ghar jalaa sakuN

wah…pramod ji kafi arsey baad post kiya hai aap ne, lekin saari kasar nikaal di.

bohat khoobsrat ghazal hai :k:

11

WaH:flower1:..

12

bohut he Aala:k::k:

13

Waqeay meiN bahut achi ghazal hai... :)

14

[QUOTE]
Originally posted by Pramod: *
ghazal pasand karne ke liye shukriya **Dilsay* and Azad
[/QUOTE]

Hum nay Ghazal ki nahi aap kay jazbay ki tareef ki hay

15

mera yakeen kar mere humsafar, ye ishq mera guroor hai
tu jo haath de mere haath meiN, aasmaaN ko maiN jhuka sakuN

ye intehaa e ishq nahiN , hai aur kya mere hamnasheeN
tu dua mein hai kise aur ki, main ashq bhi na bahaa sakuN

bohat khoobsurat koshish hai aap ki! :k:

16

***koi dil par na lay just a usual 2nd though

Iss koshish ka nateeja kitnay bachon ki sorat main nikla??

17

boht khob:k:

18

I sincerely thank EVERYONE here for their encouraging comments.
It will go a long way with me in this field.

19

bohat khoob Pra g thanks 4 sharin..:)

PS: and welcome back again ..:)

20

Re: koi to aisee shaam ho, eik pal ko tujhe bhula sakuN

[QUOTE]
*Originally posted by Pramod: *

koi to aisee shaam ho, eik pal ko tujhe bhula sakuN
muddat ke baad khood ko, apne aap se mila sakuN

aasmaaN hi gar adoo hai, eik mauka tu to ataa karey
haatho meiN tere naam ki, eik lakeer maiN bana sakuN

naatwaanee par meri , barsoN jahaaN haNstaa rahaa
tere ishq ne yuN buland kiya, ab chaaNd ko maiN pa sakuN

**mera yakeen kar mere humsafar, ye ishq mera guroor hai
tu jo haath de mere haath meiN, aasmaaN ko maiN jhuka sakuN

ye intehaa e ishq nahiN , hai aur kya mere hamnasheeN
tu dua mein hai kise aur ki, main ashq bhi na bahaa sakuN **
[/QUOTE]

Pramod bhai bhut zaberdast ghazal ha :)