**Kisi ko humse hai chand shikway kisi ko behad shikayattain hain
hamaray hissay mein sirf apni safaeyaan hain wazaahattain hain
Qadam qadam per barha rahe hain musafiroon ki talab ke rastay
Hawao’oun jaisi muhabbatain hain sadeyoon jaisi rafaqattain hain
Kisi ka maqrooz mein nahe per mere gerebaan pe haath sab ke
Koi meri chaahaton ka dushman kisi ko darkaar chaaahatain hain
Teri judae ke kitne suraj ufaq pe doobe magar abhi tak
Khalish hai seenay mein pehle din se lahoon mein waisi hi wehshattain hain
Meri muhabbat ke raazdaan ne yeh keh ke lauta diya mera khat
Ke bheegi bheegi is aanso’oun mein tamaam gunjalak ibarattain hain
Mein dosroon ki khushi ki khaatir gubaar ban kar bikhar gaya hoon
Magar kisi ne yeh haq na maana ke meri bhi kuch zaroorattain hain …
**