*Mujahy tum say koi Gila nahi,
yeh dard tum say tu mila nahi
meri zindagi ka hay yeh almiyah,
jo silay,woh zakhm mila nahi.
mujhay yaad hein wo sitam abhi,
woh ghum abhi woh karam sabhi
jin say mujh ko tum nay nawaz diya,
aor woh jo kabhi tum say mila nahi.
mujahy chaoon mein bhee tapash mili,
mujhay phool say bhee chubhan mili.
mujhay doston nay hee ghum diyay,
mujhay doosron say koi gila nahi.
mein muhabtun kee ameen thee,
tu chahtoon ko phay-la diya
mujhay kiya mila hay jawab mein ,
yeh naseeb hay… koi sila nahi
meri tarz-e-gufat ka hay yeh sila,
keh dost bana jo ajnabi mila,
magar uss kee baat kiya karoon biyan,
wo jo dost mujh ko mila nahi.
Mein gul O bahar ki aseer hoon,
mein khusboo-on ki hoon dewani
mein luti tu moasm-e-bahar mein,
mujhay khizan say koi gila nahi.
Meri baat ki had hay bass yehi huma~
jo tha dil mein wo kar diya biyan,
sad shukr keh meray ehsass ko
khud mujh say koi gila nahi*
