Yeh ishq bhi kya hai? issay apnai koi aur
Chaahoon main kisi aur ko’ yaad aai koi aur
Iss shaks ki mehfil… kabhi barpaa ho tou dekho
Ho zikr kisi aur ka… sharmai koi aur
Issay zabt-e-ana mujh ko yeh manzar na dikhana
Daaman ho kisi aur ka phailai koi aur
Sar noke-e sanaaN par hai badan rizq-e-zameen hai
Muqtal hai ilm mera utha lai koi aur
Seenay main jab aag hai ik umar sey panhaaN
Khuahish hai kah aag ko dahkai koi aur
Mujh par nahi khilta mera “socha” hua ek lafz
Matlab mujhay iss lafz ka samjhai koi aur
