Koi aik shakhs to youn milay k sakoon milay
Koi aik lafz to aisa ho jo qarar ho
Kaheen aisi rut bhi milay humain jo bahar ho
Kabhi aisa waqt bhi aay k humain pyar ho
Koi aik shakhs to youn milay k chiragh - e - jaan
Isay nur day isay taab day diyay kehkashan
Koi ghum ho jisay kaha karain ghum - e - jadwaan
Koi youn qadam mila’ay k banay karwaan
Koi aik shakhs to youn milay k sakoon milay
Meray rah guzar khyal main koi phool ho
Main safer main hoon meray paoon pay kabhi dhool ho
Mujhay shoq hai kabhi mujh say bhi koi bhool ho
Ghum - e - hijr ho, shab tar ho, bara tool ho
Koi aik shakhs to youn milay k sakoon milay
Keh jo aks -e- zaat ho hoo - ba - hoo
Mera aaina meray roo - ba - roo
Koi rabt jis main na main na too
Sar - e- khamoshi koi guftgu
Koi aik shakhs to youn milay k sakoon milay
Koi aik lafz to aisa ho jo qarar ho
