**guftagoo achchhii lagii, zauq-e-nazar achchha lagaa
muddatoN ke baad ko_ii ham_safar achchha lagaa
dil ka duKh_jaana to dil ka mas’alaa hai par hameiN
uskaa haNs denaa hamaare haal par achchha lagaa
har tarah kii be-sar-o-saamaaniyoN ke baa_vajood
aaj vo aaya to mujh ko apna ghar achchha lagaa
kyaa buraa thaa gar paRha rahtaa terii daHleez par
too hii batlaa kyaa tujhe vo dar-badar achchha lagaa?
kaun maqtal meN na pahuNcha, kaun zaalim thaa jise
teGh-e-qaatil se ziyaada apnaa sar achchha lagaa
ham bhii qaayal haiN vafaa-e-ustvaarii ke magar
ko_ii poochhe kaun kisko umr bhar achchha lagaa<O:p</O:p**