Ye Tanhayi Ye Barbaadi
Mera Hi Muqaddar Kiyun
Kiyun Mujh Se Meri Har Khushi Roothi
Kiyun Ye Udaasi Azaab-e-JaaN Ban Ke Tooti
Kiyun Merey Hi Naseeb Mein Ye Kaali Siyaah Raatein Hain
Kiyun Maayoosiyon Ki Soghaatein Hain
Kiyun Aazmaayishon Mein Ghira Hua Hoon Mein
Kiyun Sunsaan Rahoon Mein Kharha Hua Hoon Mein
Kiyun Ye Baar Baar Kaheen Se Roshni Nazar Aati Hai
Dorhta Hoon Jab Us Taraf
Kiyun Mujh Ko Thaka Kar Kho Jaati Hai
Kiyun Ye Tanhaayi Ke ImtihaaN Meri Zindagi Hain
Kiyun Karabnaak Raaton Ke Azaab Meri Zindagi Hain
Kiyun Merey Hi Safar Ke Her Morh Pe Kayi Raastey Hain
Kiyun Ye Sab Ek Saath Hi Mujhey Pukaartey Hain
Kiyun Mein Her Awaaz Pe Dorh Parhta Hoon
Aur Phir Us Hi Morh Pe Aa Girtaa Hoon
Kiyun Ye Musaafatain Merey PeroN Ka Muqaddar Hain
Kiyun Sooni Meri Hi Saari Reh Guzar Hain
Kiyun Mujhey Manzil Ka NishaaN Nahee Milta
Kiyun Mujhey Jeeney Ka ArmaaN Nahee Milta
Kiyun Mein Bhattak Raha Hoon Taareek RaahoN Mein
Koi Kiyun Nahee Chupaa Leta Mujhey Apni BaahoN Mein
Kiyun Mujhey Koi Pukaar Ke Chup Jata Hai
Kiyun Meri Be Basi Pe Muskurata Hai
Aakhir Kiyun ?
Kiyun Meri Taraf Barh Ke Lot Jata Hai
Kiyun Phir Mujhey Kaheen Aur Se Sada Sunayi Deti Hai
Kiyun Kaheen Aur Se Ek Kiran Dikhaayi Deti Hai
Ye Saarey SARAAB Mera Hi Naseeb Kiyun
Aakhir Kiyun ?
Kiyun Merey Jism Se Ab Talak Lipti Ye Zeest Ki Zanjeer Hai
Kiyun Mujhey Wo Maut Nahee Deta Jo Kaatib-e-Taqdeer Hai
Kiyun Meri Hasti Ghamon Ke Samandar Mein Doobti Hai
Kiyun Meri Aankh Lahoo Ban Ke Rooti Hai
Kiyun Mujhey Apna Hi Pata Nahee Milta
Kiyun Mujhey Rastaa Nahee Milta
Koi Mujhey Bata De
Kab Tak Mein Apni Khushiyaan Khiraaj Mein Deta Rahoon Ga
Kab Tak Mein ArmaanoN Ki Chitaa Mein Sulagta Rahoon Ga
Aakhir Kab Tak Mein Manzilon Ka NishaaN Dhoondtaa Rahoon Ga
Kab Tak! Aakhir Kab Tak Roz Jeeta Roz Martaa Rahoon Ga
Koi To Merey Sawalon Ka Jawab De De
Koi To Ho
Koi To Meri Luti Hoyi Khushiyon Ka Hisaab De De
Kiyun AasmaaN Se Merey Liye Koi Naveed Nahee Aati
Kiyun Mujhey Nazar Koi Umeed Nahee Aati
Kiya Muflisi Hi Mera Jurm Hai
Kiya Ye Hi Wajah-e-Karb-o-Gham Hai
Kiya Maal-o-Daulat Hi Khushiyon Ke Khareedaar Hain
Kiya Isi Se Sajey Hoye Musarraton Ke Bazaar Hain
Kiya Isi Se Zindagi Mein SakooN Miltaa Hai
Kiya Isi Se Chahaton Ko JunooN Miltaa Hai
Kiya Ye Hi Hai Wo Sab Kuch Jo Kaamyaab Zindagi Ki Nishaani Hai
Kiya Ye Hi Hai Wo Chahat Jo Baaqi Reh Jaani Hai
Kiya Ye Hi Asal Kahani Hai
Kiya Ye Hi Her Ek Dukh Ka DarmaaN Hai
Kiya Ye Hi Manzil Ka NishaaN Hai
Koi Mujhey Bata De
Khuda Ke Liye Koi To Bata De
Kiyun Mujhey Bhataktaa Dekhtey Rehtey Ho
Kiyun Sulagtaa Dekhtey Rehtey Ho
Aakhir Tum Bhi To Jazbaat Rakhtey Ho
Phir Kiyun Mujhey Karb Mein Mubtilaa Dekhtey Rehtey Ho
Bilkta Dekhtey Ho, Sisaktaa Dekhtey Rehtey Ho
Kiyun Merey Haathon Ki Lakeeron Mein Koi Naam Nahee
Kiyun Meri Tammana’on Ko Kaheen Aaraam Nahee
Kiyun Merey Hi Khuwabon Ko Taabeer Nahee Milti
Kiyun Meri Iltijaa’on Ko Taaseer Nahee Milti
Kiyun Meri Hi Rooh Pe Taaziaaney Barastey Hain
Kiyun Meri Hasraton Ke Chiraagh
Muheeb SaayoN Mein Dhaltey Hain
Zabt Kho Chuka, Mein Bohut Jee Chukaa
Mein Haath Jorhey Kharhaa Hoon
Meri Zaat Pe Faqat Itnaa Karam Kar Do
Sirf Ek Baar, Bus Ek Baar Mujh Pe Rehm Kar Do
Mujhey Meri QABAR Ka Pata Bata Do
Re: kiyun
long per nice MArried g wesay ap kahan paa'ee jati hain aj kal long time no see
Re: kiyun
parhay bager nice kyu krhay 
Re: kiyun
Meri Zaat Pe Faqat Itnaa Karam Kar Do
Sirf Ek Baar, Bus Ek Baar Mujh Pe Rehm Kar Do
Mujhey Meri QABAR Ka Pata Bata Do
scaryy 
ye to lagta poet ki bhatki roh nay likha hai
Re: kiyun
well mai tou roz yahan atee hoon aur yahan he payee jatee hoon...haan bohat lambiiiiiiiiii hai laikin mujhy achee lagee..
Re: kiyun
