Ae…! Rasm-o-Rah-e-Shehar ky Mohtat Zard Rung.
Thokar Bhi kha ky Aaya Na Jeene ka Hum ko Dhang.
Aati Nahi hai Satah-e-Yakin Par Wafa ki Lehar.
Rehti hai Subha Sham, Mizajon me Sard Jung.
Har Subha Dukh se Choor mila Zakhm Zakhm Jism.
Har Shab Thirak Thirak gaya, Aahat pay Ung Ung.
Na’Ashna-e-lazZat-e-lehja thay Sub hi log.
Kya kya Bisat-e-lab pe, Bikhri Na Qaus-e-Rung.
Meri Wajha se Tu bhi hua, Shehar me Kharab.
Tere Sbab hai Mujh pe bhi Har RahGuzaar Tang.
Kuch to Bta ! Ae Khwahish-e-izza Pasand Dil.
Kab tak rahe Taqub-e-Hasil me, Har Umang.
Sochun to koi Hal-e-Masayal Na mil Saka.
Hai Zehan ki Tehon me, Hadison se itna Zung.
Kis ne kaha tha, Khail Rachao Khala me Tum.
Kiyo Hath Mal rahe ho ! agar Katt gai Patang…