kitna taweel hai safar
manzil-e-kher ka! magar
thaktay nahee hain paon ye
toota nahee hai hosla
dard ki reh guzar mein to
mera safar naya naya
mujh se bhi pehle kitne log
paon mein ablay liye
manzil ki arzoo liye
niklay thhe dasht-e-kher ko
lekin wo be aman safar
un ko to kuchh na de saka
or wo thuk ke gir gae
rastay mein kitne mar gae
mein bhi safar mein hoon abhi
manzil ki arzoo liye
nikla hoon dasht-e-kher ko…
mera safar naya naya
mujh ko mager hai yaqeen
apne hi logon ki tarah
rastay mein na maroon ga mein
manzil ager nahee milee
phir bhi safar karoon ga mein…
kitna taweel hai safar
manzil-e-kher ka! magar
thaktay nahee hain paon ye
toota nahee hai hosla