koi chaudhwin raat ka chaand bankar
tumhaare tasavvur me aaya to hoga
kisi se to ki hogi tumne mohabbat
kisi ko gale se lagaya to hoga
tumhaare khayalon ke angRaiyo me
meri yaad ke phul mehke to honge
kabhi apne aankhon ke kaajal se tumne
mera naam likhkar mitaaya to hoga
labon se mohabbat ka jaadu jagake
bhari bazm me sabse nazare bachake
nigaahon ki raahon se dil me samake
kisi ne tumhe bhi churaaya to hoga
kabhi aaine se nigahe milakar
jo li hogi bharpur angRaiyan tune
to ghabraake khud teri angRaiyon ne
tere husn ko gud-gudaya to hoga
