Gou mera haafza itna acha nahee
Lekin bachpan aur larakpan ki bahut saari batain
Mujhe bahut achi tarah yaad hain
Ghar ki weerani aur apne akele-pan se ghabra kar
Darwaazay mein aa kar bethna
Aur gali mein atay jatay logoon ke chehray taktay rehna
Bahut sukh deta thaa
Aaj bhi jab bahut akeli hoti hoon
Tu ghar ke darwazay mein aa beth’ti hoon
Aatay jaatay logoon ke chehray bhi dekhti hoon
Lekin bechaini aur barh jaati hai …
Yeh tu yaad nahee
Ke mujhe us se muhabbat kab huwi
Albatta yeh baat mein bare wusooq se keh sakti hon
Ke mujhe muhabbat ka sha’our aane se pahlay
Muhabbat ho chuki thee
Aaj bhi meri aankhoon ke samnay hai
Sardeyoon ki lambi lambi raatain
Sehan mein bethay bethay
Aur batain kartay guzar dena
Ek dosray ko apni apni saheleyoon
Aur dostoon ki baatoon aur shararatoon ke qissay sunaana
Bahanay bahanay se ek dosray ke hathoon se khailna
Laraee jhagra karna aur kisi ke bhi haar jane par
Khil’khilaa kar hans dena goya mamool thaa apna
Yeh mamool ab bhi barqaraar hai
Lekin kuch tabdeleyoon ke sath …
Ab tu na kisi se chuphna parta hai aur na darna
Jab bhi sardi ki lambi raatain aati hain
Sehan mein bethi ghantoon apne aap se
Baatain karti rehti hoon
Be-ikhteyaari mein apne hi haath ki ungleyaan
Maroorti kaheen ghumm ho jaati hoon aur phir chaunk uth’ti hoon
Jab aankhoon mein garm garm nami phailti hai
Aur rukhsaar bheeg jaatay hain
Aise mein daanista aur zabardasti hansnay ki koshish
Kitni nakaam kitni khokhli hoti hai …
Aik hi shehar mein rehtay thay
tu hazaar narazgi ke bawajood
Aksar sar-e-rah mulakat hojaati thee
Aur apni apni ana’oon ki parwa keye baghair
Aapas mein bol partay thay
Lekin ab tu muddat huwi
Pehlar us ne shehar badla
Aur phir mein ne …
udas buhat hi gheriyi mei likhi hu eik zindagi key kuch khas lamhuon ki kahani ku buhat saleeqey sey ilfaz key sanchuon mei dhala hai buhat hi achi ghazal hia thx for sharing
