khud apnay liye beth ker sochein gay kisi din
yun hai k tujhay bhool ker dekhein gay kisi din
bhatkay huay phirtay hain kai lafz jo dil mein
dunya nay diya wqt to likhein gay kisi din
hil jaein gay ik baar to arsh k dar o baam
ye khak nasheen log jo bolein gay kisi din
jati hai kisi jheel ki gehrai kahan tak
ankhon mein teri doob k dekhein gay kisi din
khushboo say bhari shaam mein jugnoo k qalm say
ik nazm teray liay likhein gay kisi din