Chehre pe mere zulf ko phailaao kisi din
kiya roz garajte ho baras jaao kisi din
Raazon ki tarah utro mere dil mein kisi shab
dastak pe mere haath kii khul jaao kisi din
Pairhon ki tarah husn ki baarish mein nahaa loon
baadal ki tarah jhoom ke ghir aao kisi din
Khushboo ki tarah guzro mere dil ki gali se
phoolon ki tarah mujh pe bikhar jao kisi din
Phir haath ko Khairaat mile band-e-qabaa ki
phir lutf-e-shab-e-wisl ko dohraao kisi din
Guzrein jo mere ghar se to ruk jaayein sitaare
is tarah meri raat ko chamkaao kisi din
Main apni har ik saans usi raat ko de doon
sar rakh ke mere seene pe so jao kisi din
“Amjad Islam Amjad”<O:p</O:p