chehrai pai mairai zulf ko phailao kisi din
kya rooz garajtai ho baras jao kisi din
raazon ki terah utro mairai dil main kisi shab
dastak pai mairai hath ki khul jao kisi din
pairon ki terah husn ki barish main naha lon
badal ki terah jhoom kai ghir aao kisi din
khushbo ki terah guzro mairai dil ki galee sai
pholon ki terah mujh pai bikhar jao kisi din
phir haath ko khairaat milai band-e-qaba ki
phir lutf-e-shab-e-wasl ko duhrao kisi din
guzrain jo mairai ghar sai to ruk jain sitarai
is terah mairee raat ko chamkao kisi din
main apnee her aik saans usee raat ko day don
sar rakh kai mairai seenai pai so jao kisi din