Kisey miltee haiN vo aaNkheN muhabbat meiN jo rootee haiN

Sheal · January 29, 2011, 8:26pm

Dalaa.el se khudaa tak aql.e.insaanee naheeN jaatee
Wo ik aisee haqeeqat hai jo pehchanee naheeN jaatee

Isse to raah meiN arbaab.e himaat choRh dete haiN
Kisi ke saath manzil tak tan.asaanee naheeN jaatee

Kisey miltee haiN vo aaNkheN muhabbat meiN jo rootee haiN
Mubaarak hai vo aaNsoo jinkee arzaanee naheeN jaatee

Khafaa hokar meri jaanib se nazareN pherne wale
Yahee kah de k teri shakl pehchanee naheeN jaatee

UBhartaa hi naheeN dil doob kar behr e muhabbat meiN
Jab aajatee hai iss daryaa meiN tughyanee naheeN jaatee

Hameshaa yaas ke aalam meiN ummedeN bar aatee haiN
Kabhee bekaar armaanooN ki qurbanee naheeN jaatee

Gadaai meiN bhi mujhpar shaann.e istghnee barastee hai
Mere sar se hawaa.e taaj.e.sultanee nahee jaatee

Sawaad.e arsh tak uskee rasaaee ho to kyoN kar ho
Tumhare aastaaN tak jiskee peshanee naheeN jaatee

Muqeem.e dil haiN vo armaan jo poore naheeN hote
Ye vo aabaad ghar hai jiskee veeranee naheeN jaatee

Kuchh aisey bar.guzeeda log bhi haiN jinke haathoN se
ChuRaa kar apnaa daaman pak.daamaanee naheeN jaatee

Hajoom.e yaas meiN bhi zindagee par muskurataa hooN
Museebat meiN bhi meri khandaa.peshaanee naheeN jaatee

_Masoom_Muskaan · January 29, 2011, 8:32pm