Tumheen uddas sa pata hoon main kaee din say
na janay kon say sadmay uthha rahee ho tum
vo shokhyaan,vo tabasum,vo qahqahay na rahay
har ik chez ko hasrat say dekhtee ho tum
chupa chupa kay khamoshee main apnee baychene
khod apnay razz ke tasheher ban gayee ho tum
mere umeed agar mit gayee to mitnay do
umeed kia hay,bus ek pesh-o-pas hay kuch be naheen
mere hayat ke gumgenyoon ka gum na karo
gum-e-hayat gum yak nafs hay kuch be naheen
tum apnay husn ke ra’nayoon par reham karo
vafa qareeb hay tool havas hay kuch be naheen
mujhy tumharay tagaful say kuoon shikayat ho
miree fana meray ehsas ka taqaza hay
main janta hoon kay dunya ka khof hay tum ko
mujhy khabar hay ya dunya ajeeb dunya hay
yahan hayat kay parday main mout paltee hay
shikast saaz ke aawaz , roh nagma hay
mujhy tumharee judayee ka koi ranj naheen
meray khayal ke dunya main meray pass ho tum
ya tum nay theek kaha hay tumheen mila na karoon
magar mujhy ya bata do kay kuoon uddas ho tum
khafa na hona mere jurrat-e-takhatub par
tumheen khabar hay mire zindagee kee aas ho tum