Tu akele milta thaa aik daur aisa thaa
Dil bahut machalta thaa aik daur aisa thaa
Bekhudi ka woh mausam kitna acha lagta thaa
Har qadam behakta thaa aik daur aisa thaa
Kis tarah bhulaoon mein tere wasl ki raatain
Chaand hum se jalta thaa aik daur aisa thaa
Tu udaas lamhoon mein mujh ko ourh leti thee
Mein tujhe pehanta thaa aik daur aisa thaa
Mujh se teri doori ka gham saha na jaata thaa
Sab se mein ulajhta thaa aik daur aisa thaa
Tum tu sab bahaaron ko saath apne le gaye
Apna ghar mehakta thaa aik daur aisa thaa
Sab andheri raatoon mein saath chor dete thay
Tu nahee badalta thaa aik daur aisa thaa
Us ke hijr mein Wasiq bekali si rehti thee
Dil kaheen na lagta thaa aik daur aisa thaa
