kia urooj tha uska kia zawal tha uska
zakhum zakhum rehna hi aitadal tha uska
baad itne barson ke ab khula he ye mujh par
uss ne kho dia mujhko ye malal tha uska
mer aaina toota to lahoo they hath uske
mera dukh to ehsaan tha dukh mohal tha uska
uski chup nigahon se saaf mujhko lagta tha
dil ka aik jazba tha jo nidhaal tha uska
aaj tak main gum sum hon uss nazar ke moti main
wo jo aik aansoo tha lazawal tha uska
khudh ko khuab kehta tha ik sarab kehta tha
wo jo ik haqiqat tha ye khayal tha uska
wo jo mujh main utra to main nahi rahi baqi
meri zaat ho betha ye kamal tha uska
khamoshi se chehre par guftugoo si aankhain thin
wo jo aik chehra tha be missal tha uska
mere jeet jane se wo shikasta hota tha
mera haar jana hi indemaal tha uska
APNI CHAND KHUSHIAN BHI USKE NAAM KAR DALIN
DIL KA AIK GOSHA TO BEHAR HAL THA USKA…..
Ishq ke mohazon par aansoon se larta tha
Uska ye saleeqa hi saif-o-dhaal tha uska
Us ne mujh se poocha tha ishq ko samjhti ho
Jo jawab tha mera hasb-e-haal tha uska
Kal hi main ne dekha tha aks para para tha
Khaub meri aankhon main paiemaal tha uska
USS PUKAR KI SHIDDAT ARSH KO HILATI THI,….
MAIN TO AB BHI HERAA-N HON KIA SAWAL THA USKA……?