Khwaab musafir lamhon ke hain, saath kahan tak jainge?

BholiBhali · March 17, 2001, 9:16pm

Apnay ghar ki khirki se main asmaaN ko dekhooN ga
Jis par tera naam likha hay us tare ko dhoondooN ga
Tum bhi har shab diya jala kar palkooN ki dehleez pe rakhna
Main bhi roz ek khwaab tumhare shahar ki janib bhaijooN ga
Hijr ke dariya main tum parhna lahroon ki tahreeraiN bhi
Paani ki har satr pe main kuch dil ki baataiN likhooN ga
Jis tanha se pair ke neeche hum baarish main bheege the
Tum bhi us ko chuu ke guzarna, main bhii us se liptooN ga
Khwaab musaafir lamhoon ke hain, saath kahan tak jainge
Tum nay bilkul theek kaha he, main bhi ab kuch sochooN ga

From Amjad Islam Amjad’s “Zara Phir Se Kehna”

Amjad_Chohan · March 18, 2001, 8:49am

ooh thats nice one.... here is another one by the same man Amjad Islam Amjad.

kahaa.N aake rukane the raaste kahaa.N mo.D thaa use bhuul jaa
vo jo mil gayaa use yaad rakh jo nahii.n milaa use bhuul jaa

vo tere nasiib kii baariishe.n kisii aur chhat pe baras ga_ii
dil-e-beKhabar merii baa sun use bhuul jaa use bhuul jaa

mai.n to gum thaa tere hii dhyaan me.n terii aas me.n tere gumaan me.n
havaa kah ga_ii mere kaan me.n mere saath aa use bhuul jaa

tujhe chaa.Nd ban ke milaa thaa jo tere saahilo.n pe khilaa thaa jo
vo thaa ek dariyaa visaal kaa so utar gayaa use bhuul jaa

Zindgi Humain Aazmaaati rahi...Hum Issay Azmaaty rahy

Amal · March 18, 2001, 3:26pm

Good pic BB

http://www3.pak.org/gupshup/smilies/smile.gif

Lamhay · March 21, 2001, 2:01pm

Thats wonderful BB

http://www3.pak.org/gupshup/smilies/smile.gif

and amjadbhai aap nay jo ghazal de bahut
hi zabardast hai!
kahaa.N aake rukane the raaste kahaa.N mo.D thaa use bhuul jaa
vo jo mil gayaa use yaad rakh jo nahii.n milaa use bhuul jaa

bahut khoob!

BholiBhali · March 21, 2001, 8:15pm

Thank you Lamhay

http://www3.pak.org/gupshup/smilies/smile.gif

Main soch hi rahi thi kay kafi dinon say aap nazar nahi aa raheen!

abeeha · October 12, 2006, 1:38pm