Khushboo ki shaira - Parveen Shakir

muqawwee123 · December 2, 2011, 7:29am

Baat shairy ki ho aur lafz khushboo ho to sab se pehle zehn main jo naam aata hai wo hai ‘Parveen Shakir’. Urdu shairy ka doosra naam.

December 26, 2011 ko Parveen Shakir ko hum se bichray 17 saal hojaenge. Iss moqe per aaiye apni pasandeeda shaira ko tribute dete hue unka kalam, unke hawale se banene wali documentaries share karen.

Maine pichle maah Parveen Shakir ka kalam (khasoosan wo kalam jo gaaya gaya hai) kafi had tak GS pe post kia tha jo kuch iss tarah se hai:

**
(1) Mera Aur Uska Rabta To Haath Aur Dua Ka Tha (Parveen Shakir)**

http://www.paklinks.com/gs/intikhaab/530297-mera-aur-uska-rabta-to-haath-aur-dua-ka-tha-parveen-shakir.html

(2) Shaam k waqt Safar kia kartay (Parveen Shakir)

http://www.paklinks.com/gs/intikhaab/530076-shaam-k-waqt-safar-kia-kartay-parveen-shakir.html

(3) Poora Dukh aur Aadha Chaand (Parveen Shakir)

http://www.paklinks.com/gs/intikhaab/529952-poora-dukh-aur-aadha-chaand-parveen-shakir.html
**
(4)** Shayad usne mujhko tanha dekh lia hai (Parveen Shakir)

http://www.paklinks.com/gs/intikhaab/529927-shayad-usne-mujhko-tanha-dekh-lia-hai-parveen-shakir.html

(5) **Neem Khwabi ka FusooN toot raha ho jaise (Parveen Shakir)

**http://www.paklinks.com/gs/intikhaab/529915-neem-khwabi-ka-fusoon-toot-raha-ho-jaise-parveen-shakir.html

(6) Issi main khush hoon mera dukh koi to sehta hai (Parveen Shakir)
**
http://www.paklinks.com/gs/intikhaab/529635-issi-main-khush-hoon-mera-dukh-koi-to-sehta-hai-parveen-shakir.html

(7) Asar hua nahin uss par abhi zamane ka (Parveen Shakir)**
http://www.paklinks.com/gs/intikhaab/529638-asar-hua-nahin-uss-par-abhi-zamane-ka-parveen-shakir.html**

(8) Badbaan khulne se pehle ka isharaa dekhna (Parveen Shakir)

http://www.paklinks.com/gs/intikhaab/529526-badbaan-khulne-se-pehle-ka-isharaa-dekhna-parveen-shakir.html

(9) IK na ik roz to rukhsat karta (Parveen Shakir)

http://www.paklinks.com/gs/intikhaab/529531-ik-na-ik-roz-to-rukhsat-karta-parveen-shakir.html

(10) Parveen Shakir ki do Khoobsurat Ghazlen**
http://www.paklinks.com/gs/intikhaab/529544-parveen-shakir-ki-do-khoobsurat-ghazlen.html**

(11) Wo to Khushboo hai hawaon main bikhar jae ga (Parveen Shakir)**
http://www.paklinks.com/gs/intikhaab/529546-wo-to-khushboo-hai-hawaon-main-bikhar-jae-ga-parveen-shakir.html**

(12) Aks e Khushboo hoon bikharne se na rokay koi**
http://www.paklinks.com/gs/intikhaab/529447-aks-e-khushboo-hoon-bikharne-se-na-rokay-koi.html**

(13) Kuch to hawa bhi sard thi (Parveen Shakir)**
http://www.paklinks.com/gs/intikhaab/529209-kuch-to-hawa-bhi-sard-thi-parveen-shakir.html**

(14) Tooti hai meri neend magar (Parveen Shakir)**

http://www.paklinks.com/gs/intikhaab/529265-tooti-hai-meri-neend-magar-parveen-shakir.html**

(15) Samajhdari ki ek Nazm - Parveen Shakir

http://www.paklinks.com/gs/intikhaab/529026-samajhdari-ki-ek-nazm-parveen-shakir.html

Parveen Shakir ki boht si aur khoobsurat ghazlen aur nazmen hain, jo hum iss thread main share karenge.
**

muqawwee123 · December 2, 2011, 8:01am

Re: Khushboo ki shaira - Parveen Shakir

Chiragh maangte rehne ka kuch sabab bhi nahin
Andhera kaise bitayain ke ab to shab bhi nahin

Main apne zo'am mein ek baazyaaft par khush hoon
Yeh waqiya hai ke mujh ko mila woh ab bhi nahin

*Jo mere shair mein mujh se ziyada bolta hai
Main us ki bazm mein ek harf-e-zair-e-lab bhi nahin
*

Aur ab to zindagi karne ke sau tareeqe hain
Hum us ke hijr mein tanha rahe thay,jab bhi nahin

Kamal shakhs tha jis ne mujhe tabah kia
Khilaf us ke yeh dil ho saka hai,ab bhi nahin

Yeh dastakain,yeh meri zindagi ki aadhi raat
Hawa ka shor samajh loon to kuch ajab bhi nahin

muqawwee123 · December 2, 2011, 7:57pm

Re: Khushboo ki shaira - Parveen Shakir

Kisi Ahd e Mehrbaan main kisi apne ki chahaten paanay ki Khwahish

Parveen Shakir ki khoobsoorat Nazm ‘Yeh Haseen shaam apni’ Tina Sani ki awaz main

muqawwee123 · December 4, 2011, 2:09pm

Re: Khushboo ki shaira - Parveen Shakir

maqtal e waqt main khamoshi gawahi ki tarah
dil bhi kaam aaya hai gumnaam sipahi ki tarah

Ek lamhe ko zamane ne raza poochi thi
guftugu hone lage phir zill e ilahi ki tarah

**Zulm sehna bhi to zalim ki himayat thehra
Khamoshi bhi to hui pusht panahi ki tarah

Uss ne khushboo se karaya tha taaruf mera
aur phir mujh ko bikhera hawa hi ki tarah
**

Shazia_Arif · December 4, 2011, 2:26pm

Re: Khushboo ki shaira - Parveen Shakir

mashallah itni taweel kawish…zinda rhi tu zarur comment karun gi :hinna:

muqawwee123 · December 4, 2011, 3:04pm

Re: Khushboo ki shaira - Parveen Shakir

:hinna: Apiya maine sirf links ko ek jaga jama kia hai…

I think ab tak iss thread ko visit karne wale Parveen Shakir ke kalam se na ashna hai shayad. :hinna: issi liye kuch share nahin kia.

muqawwee123 · December 27, 2011, 2:27pm

Re: Khushboo ki shaira - Parveen Shakir

mushkil hai ab shahar main nikle koi ghar se
dastar pe bat a gai hai hoti hui sar se

                     **barsa bhi to kis dasht k be-faiz badan par
                      ik umr mere khet the jis abr ko tarse

**

                     **is bar jo eendhan k liye kat k gira hai
                      chiriyon ko bara pyar tha us burhe shajar se

**

                     mehnat meri andhi se to mansub nahin thi
                      rahna tha koi rabt shajar ka bhi samar se


                     khud apne se milne ka to yaraa na tha mujh main
                      main bheed main gum ho gai tanhai k dar se


                     benam musafat hi muqaddar hai to kya gham
                      manzil ka ta'yyun kabhi hota hai safar se


                     pattharaya hai dil yun k koi ism parha jaye
                      ye shahar nikalta nahin jadu k asar se


                     nikle hain to raste main kahin sham bhi hogi
                      suraj bhi magar ayega is rah-guzar se

muqawwee123 · December 27, 2011, 2:30pm

Re: Khushboo ki shaira - Parveen Shakir

muqawwee123 · December 27, 2011, 2:32pm

Re: Khushboo ki shaira - Parveen Shakir

muqawwee123 · December 27, 2011, 2:43pm

Re: Khushboo ki shaira - Parveen Shakir

Picnic by Parveen Shakir

Sakhiyaan meri…
Khulay Samandar beech khadi hansti hain
Aur main sab se door alag sahil pe bethi
Aati jaati lehron ko ginti hoon
Ya phir…
Geeli rait pe tera naam likhay jaati hoon

Restored attachments:

muqawwee123 · December 27, 2011, 2:45pm

Re: Khushboo ki shaira - Parveen Shakir

**Ihmiyat
**
Uss ne apni sari qeemti cheezen
utha kar sanbhal leen.
Siwae mere…

Restored attachments:

muqawwee123 · December 27, 2011, 2:47pm

Re: Khushboo ki shaira - Parveen Shakir

muqawwee123 · December 27, 2011, 2:48pm

Re: Khushboo ki shaira - Parveen Shakir

Chand k saath meri baat na thi pehli si
Raat aati thi mager raat na thi pehli si

Hum teri yaad se kal shab bhi miley thay laikin
Yeh mulaqat mulaqat na thi pehli si

Abb k kuch aur tarah ki thi udaasi inn mein
Chand taaro'on ki yeh baat na thi pehli si

Ishq ne pal mein badal di meri saari duniya
Main ne daikha k meri zaat na thi pehli si

muqawwee123 · December 27, 2011, 3:09pm

Re: Khushboo ki shaira - Parveen Shakir

muqawwee123 · December 27, 2011, 3:11pm

Re: Khushboo ki shaira - Parveen Shakir