**
http://www.paklinks.com/gsmedia/files/Sannan/khushhall.jpg
khush haal say tum bhi lagtay ho**
**youn afsurda tou hum bhi nahin **
**par jaan`nay waalay jaantay hain **
**khush tum bhi nahin, khush ham bhi nahin **
**tum apni khuddi kay pehray main **
** aur daam-e-ghuroor main jakray huay **
** hum apnay zoum kay nirghay main **
** anaa haath hamaara pakray huay **
** ik muddat say ghaltaan paichaan **
**hum apnay aap say uljhay huay **
** mahsour-e-talatum aaj bhi ho **
**go tum ne kinaaray dhoond liye **
** toofan say sanbhalay hum bhi nahin **
** kehnay ko sahaaray dhoondh liye **
** khamoush say tum, hum mehar-ba-lab **
** jug beet gaye, tuk baat kiye **
** suno khail adhoora chhorrtay hain **
** bina chaal chalay, bina maat diye **
** jo bhaagtay bhaagtay thak jayein **
** woh saaye ruk bhi saktay hain **
** chalo torro qasam iqraar karein **
** ham donoun jhuk bhi saktay hain**
!!!
