khumar-e-gham hae mehekti fizaa mein jeeten hain
tere khayal ki aab-o-hawa mein jeetein hain
bade ittefaaq se milte hain milne waale mujhe
wo mere dost hain teri wafa mein jeeten hain
firaaq-e-yaar mein saanson ko roke rakhten hain
har ek lamha guzarti qazaa mein jeeten hain
na baat puri huwi thi ke raat toot gayi
adhure khwaab ki aadhi sazaa mein jeetein hain
tumhari baaton mein koi maseeha basta hae
hasee labon se barasti shafaa mein jeeten hain