Khulus-o-uns-o-mohabbat ka tarjumaN sehra

Jaan_Lewaa · December 1, 2002, 8:17pm

Khulus-o-uns-o-mohabbat ka tarjumaN sehra
Wafa ka dars sikhata hai be zubaN sehra

Sukun-e-qalb ka markaz, khushi ka mahwar hai
Dil-o-nigah ki asmat ka pasbaN sehra

Wafa ke jazboN se, chahat bhare umangoN se
Sajane aaya hai diwar-e-jism-o-Jaan sehra

MohabbatoN ke samundar maiN do diloN ke liye
Bana hai kashti-e-ulfat ka badbaN sehra

Hisar-e-kaif-o-musarrat main lene aaya hai
JawaN diloN ke tahammul ka imtahaN sehra

Zamana is ki haqiqat se khub wakqif hai
Ke chhodr jayega yadoN ka ek jahaN sehra

GuloN ki ladiyaN na samjho ise faqat RAGHIB
Hai khahishoN ke sitaroN ka aasmaN sehra

Lamhay · December 2, 2002, 5:18am

bahut khoob Jl thanks for sharing!

arifnawaz1 · December 2, 2002, 7:13am

Gr8 :k:

SunnyBoy · December 2, 2002, 9:03am

buhat khoob :k:

Jaan_Lewaa · December 3, 2002, 2:17am

shukria:)

ghazal_kisi_ke · December 3, 2002, 4:44am

very very nice:k::k:

chand_chehra · December 3, 2002, 1:47pm

last 2shairs :k:

Jaan_Lewaa · December 4, 2002, 2:47am

thanx GKK n CC

Tera_Deewana · December 4, 2002, 10:31pm

boo some kind of pooo

GOOD KEEP IT UP:jhanda: :soldier: