**
woh jo shair tha , chup sa rehta tha
behki behki si bateein kerta tha
aankheein kanoon pay rakh ke sunta tha
gongi khamoshiyoon ki awazeein!
jama kerta tha chand ke sayee
aur geeli si noor ki bondeein
rookhay rookhay se raat ke patay
ook mein bher ke kharkharata tha
waqt ke is ghaneray jungle mein
kachay pakay se lamhay chunta tha
haan “wohi” ajeeb sa shair
raat ko uth ke kohniyoon ke bal
chand ki thori choma kerta tha
chand se gir ke mer gaya ha woh
loog kehte hain kay khudkushi ki ha
(gulzar)
**
