Khudaa wo waqt na laaye ki soGawaar ho tuu
**sakooN ke neend tujhe bhii haraam ho jaaye **
**terii masarrat-e-paiham tamaam ho jaaye **
**terii hayaat tujhe talKh jaam ho jaaye **
**GamoN se aaiinaa-e-dil gudaaz ho teraa **
**Hujuum-e-yaas se betaab hoke rah jaaye **
**wafuur-e-dard se siimaab ho ke rah jaaye **
**teraa shabaab faqat Khwaab ho ke rah jaaye **
**Guruur-e-husn saraapaa niyaaz ho teraa **
**taveel raatoN meiN tuu bhii qaraar ko tarase **
**terii nigaah kisii Gam_gusaar ko tarase **
KhizaaN_rasiidaa tamannaa bahaar ko tarase
**koii jabeeN na tere sang-e-aastaaN pe jhuke **
**k jins-e-ijz-o-aqeedat se tujh ko shaad kare **
**fareb-e-waadaa-e-farda pe aetamaad kare **
**Khudaa wo waqt na laaye ki tujh ko yaad aaye **
**wo dil k tere liye be-qaraar ab bhii hai **
wo aaNkh jis ko teraa intazaar ab bhii ha
Faiz Ahmed Faiz