Hamen daryaft karne se hamen taskheer karne tak,
Bohat hein marhalay hamen Zanjeer karne tak,
Hamary Hijar ke qisay,samaito ge to likho ge,
Hazaron baar socho ge,hamen Tehreer karne tak,
Hmara dil hai pemana,so pemana to chalkay ga,
Chalo do ghoont tum bhar lo,hamen Taseer karne tak,
Puraney rang chhorro ankh ke,ik rang hi kaafi hai,
Mohabbat se chashm bhar lo,hamen Tasveer karne tak,
Hunar Takmeel se pehly, Musawwir bhi chupata hai,
Zara tum bi chupa rakho,hamen Tameer karne tak,
Wo humko roz loot’tay hain, adaa’on se, bahanon se,
Khuda rakhay! Lutteray ko, hamen Faqeer karne tak.
