**Khud ko parhta huuN, chhoR detaa huuN
ek warq roz moR detaa huuN
is qadar zaKhm haiN nigaahon meN
roz ek aaiinaa toR detaa huuN
main pujari baraste phulon ka
chuu ke shakhon ko chhoR detaa huuN
kaasa-e-shab meN Khoon suuraj kaa
qatraa qatraa nichoR detaa huuN
kanptay hont bhigti palken
baat adhuurii hi chhor deta huun
ret ke ghar bana bana ke “Faraz”
jane kyu Khud hii tor deta hun**
