KhetoN ka hara-pan meiN kahaN deikh raha hooN

Arts & Culture Poetry ( Intikhaab & Sho'ra-e-Gupshup)
1

KhetoN ka hara-pan meiN kahaN deikh raha hooN
meiN rail ke injan ka dhuwaN deikh raha hooN

fursat hey kahaN aap ke baaghaat meiN ttehlooN
meiN apney ujarrney ka samaaN deikh raha hooN

khanjar jo gawaahi hey merey qatl ki us par
apni hi ungliyoN ke nishaaN deikh raha hooN

sab aap ki aaNkhoN sey jahaaN deikh rahey heiN
meiN aap ki aaNkhoN meiN jahaaN deikh raha hooN

wo soch meiN doobey heiN nishaana ho kahaaN par
meiN tootey huwey teer-kamaaN deikh raha hooN

jo meiN ney khareeda tha kabhi beych ke khud ko
nilaam meiN bikta wo makaaN deikh raha hooN

tu dhoondh rahi ho gi kahaN mujh ko qayaamat
meiN kab sey teri raah yahaaN deikh raha hooN

toka jo unhoN ney ke kaho deikh li dunya
meiN bhi kahaN haNs ke deikh raha hooN

boorrhi hui umeed ko kya, phir bhi larrooN ga
meiN apney iraadey ko jawaaN deikh raha hooN

Bal Swarup Rahi

2

Re: KhetoN ka hara-pan meiN kahaN deikh raha hooN

umdahhh..... bohat achi sharing hai Amal... :-)

3

Re: KhetoN ka hara-pan meiN kahaN deikh raha hooN

Shukriya Gul :~)

4

Re: KhetoN ka hara-pan meiN kahaN deikh raha hooN

Wah … har ek shair apne ander kahaani leye huwe hai … :k:

Thanks for sharing Amal

5

Re: KhetoN ka hara-pan meiN kahaN deikh raha hooN

alaa one...mujhe Milton ki to the train yad a gai pehli linen parrh k.

6

Re: KhetoN ka hara-pan meiN kahaN deikh raha hooN

boht achi ghazal hai aur boht meaningful. thanks for sharing it with us Amal :)

7

Re: KhetoN ka hara-pan meiN kahaN deikh raha hooN

Beautiful Words Amal..:k:

8

Re: KhetoN ka hara-pan meiN kahaN deikh raha hooN

V nice Sharing Amal :)