Kal ka suraj isi dehleez pe dekhe ga mujhe
kal bhi kashkol mera sham ko bhar jaye ga,
kal ki takhleeq bhi ik hogi yehi nane joven
kal bhi har din ki tarah unhi guzar jaye ga
bhook ki aag jo bujhti hai to neend aati hai
neend aati hai to kuch khawab dikhati hai mujhe
khwab mein milte haein kuch log , bichar jate hein
un ki yaad or bhi reh reh ke satati hai mujhe
kal bhi dhundoon ga unhe ja ke gali kuchoon mein
kal bhi mil jayen ge in khwabon ke pekar kitne
kal bhi yeh haath lagate hi badal jain ge
kal bhi phenken gay meri simt yeh patthar kitne
aaj ki raat mujh nind nahi aaye gi
aaj ki raat mujhe khwabon se dar lagta hai