Amjad Islam Amjad Ki Aik Nazm Jo Mujhe Buhat Pasand Hai..
Khawab Toot Jatay Hain
Bheer Main Zamanay Ki
Hath Choot Jatay Hain
Dost Daar Lahjoon Main Salwatain See Partee Hain
Ik Zara See Ranjish Say
Shak Ki Zard Tehni Par, Phool Bad-Gumani Kay
Is Tarha Say Kihltay Hain
Zindagi Say Pyaray Bhi
Ajnabi Say Lagtay Hain, Ghair Ban Kay Miltay Hain
Umr Bhar Ki Chahat Ko, Aasra Naheen Milta
Dasht-E-Beyaqini Main Rasta Naheen Milta
Kham-Shi Kay Waqfoon Main
Baat Toot Jati Hai, Aur Sira Naheen Milta
Mazrat Kay Lafzoon Ko Raushni Naheen Miltee
Lazatey Pazeerai, Phir Kabhi Naheen Miltee
Phool Rang Wadoon Ki
Manzilain Sukarti Hain
Rah Murnay Lagti Hai
Berukhi Kay Garay Say, Bedili Ki Mitti Say
Faslay Ki Entoon Say, Eent Jurnay Lagti Hai
Khaak Urnay Lagtee Hai
Khawab Toot Jatay Hain
Wahimon Kay Sa-Ay Say, Umr Bhar Ki Mehnat Ko
Pal Main Toot Jatay Hain
Ik Zara Se Ranjish Say
Sath Choot Jatay Hain
Bheer Main Zamany Ki
Hath Choot Jatay Hain
Khawaab Toot Jatay Hain
Umeed Hai Ke Aap Logon Ko Bhi Pasand Aye Gi..
Regards,