Adaab arz hay!!! …pehli baar is NICK SE HAZIR HONAY KI JURRAT KI HAY..WAISAY TAU PEHLAY BHI…
This is dedicated to The POETESS
ARZ KIA HAY…!!!
chaand bhee bujhtaa nahiiN hai
dard bhee ghaTtaa nahiiN hai
chaah bhee miTtee nahiiN hai
waqt bhee kaTtaa nahiiN hai
dard-o-gHam kaa bojh bhaari
dil magar phaTtaa nahiiN hai
see liyaa ho zakhm jis se
khaar woh chubhtaa nahiiN hai
band hoN darwaazay jiske
qalb woh luTtaa nahiiN hai
aaj kal ke beech hai jo
raaz woh khultaa nahiiN hai
akar gayee gardan bhee lekin
sar hai ki jhuktaa nahiiN hai
jis meN lau ummeed kee ho
woh diyaa bujhtaa nahiiN hai
usko mujhse laakh shikway
kyoN magar kartaa nahiiN hai
aas bhee miTtee nahiiN hai
pyaar bhee martaa nahiN hai
ab mere is dasht-e-dil meiN
gul koii khiltaa nahiiN hai
raat bhee aTkee huvee hai
din bhee tau khultaa nahiiN hai
jis jagah har cheez biktee
dil wahaaN miltaa nahiiN hai
khamoshii kuchh boltee hai
par koii suntaa nahiiN hai
Uzma Sher
