ajib tarz-e-mulaqat ab ke bar rahi
tum hi the badale hoye ya meri nigahen theen
tumhari nazron se lagta tha jaise meri bajaye
tumhare ghar men koi aur shaKhs aya hai
tumhare ohade ki daayn tumhen mubarak
so tum ne mera svagat usi tarah se kiya
jo afasarane-hukuumat ke aitaqad mein hai
takallufan mere nazadik aa ke baiTh gaye
phir ehatamam se mausam ka zikr chheR diya
kuchh us ke bad siyasat ki bat bhi nikali
adab par bhi koi do char tabasare faramaye
magar na tum ne hamesha ki tarah ye puuchha
ke waqt kaisa guzrata hai tera jan-e-hayat
pahaaR din ki aziyat men kitani shiddat hai
ujaaR rat ki tanhai kya qayamat hai
shabon ki sust ravi ka tujhe bhi shikva hai
Gam-e-firaq ke qisse nishat-e-vasl ka zikr
ravayatan hi sahi koi bat to karate
Perveen Shakir]
