Kabhee kabhee meray dil maiN khayaal Aataa hay
Keh zindagi teree zulfoN kee naram chaoN maiN
Guzarnay paatee toe shadaab hoe bhee saktee thee
Yeh teergee joe meri zeesth ka moqadar hay
Teree nazar kee shu’auN maiN kho bhee saktee thee
Magar yeh ho na sakaa aur ab yeh Aalam hay
Keh too nahiN, tera ghum, teree justajoo bhee nahiN
Guzar rahee hay kuch iss tarhah zindagi jaysay
Issay kissy kay sahaaray kee Aarzoo bhee nahiN
Na koi Jaadeh, na manzil, na roshni ka suragh
Bhatak rahee hay khalaoN maiN zindagi meri
Inhee khalaoN maiN reh jaaoN ga kabhee kho kar
MaiN janta houN meri hum nafas, magar youNhee
