Khabar-e-tahayyur-e-ishq sun, na junoon raha na pari rahi
**Na toh tu raha na toh mein raha, jo rahi so be-khabari rahi
**Shah-e-bekhudi ne ataa kia, mujhay ab libas-e-barahanagi
**Na khirad ki bakhiyagari rahi, na junoon ki pardadari rahi
**Chali simt-e-ghaib se aik hava, ke chaman zahoor ka jal gaya
**Magar aik shakh-e-nihal-e-gham, jise dil kahe so hari rahi
**Nazar-e-taghaful-e-yaar ka, gila kis zuban se bayan karoon
**Ke sharab-e-sad-qadaah aarzu, khum-e-dil mein thi so bhari rahi
**Woh ajab ghari thi mein jis ghari, liya dars nuskha-e-ishq ka
**Ke kitab aql ki taaq main, jyun dhari thi tyun hi dhari rahi
**Tere josh-e-hairat-e-husn ka, asar iss qadar so yahan hua
**Ke na aayine main jila rahi, na pari kuun jalva gari rahi
**Kiya khak aatish-e-ishq ne dil-e-benava-e-Siraj ko
**Na khatar raha na hazar raha, magar aik be-khatari rahi
~ Siraj Aurangabadi
Enjoy some couplets in voice of Ustad Farid Ayaz sahab
**
**_________________________________________________________________________
**
Thank you.
