Kesa maftooh sa manzar hai kae sadion say
meray qadmon pe mera sar hai kae sadion say
khof rehta hai sailaab na kaheen lay jayay
mere palkon pe tera ghar hai kae sadion say
is kay pani mein bhi pehlay sa woh thehrao nahi
to bhi bechain samander hai kae sadion say
ashk aankhon mein sulgtay hoay soo jatay hain
yeh mere ankh jo banjar hai kae sadion say
kon kehta hai mulaqat mere aaj ke hai
to mere rooh ke ander hai kae sadion say
yeh mujhe sans bhi kohl ke nahi lanay deta
mere shah rag pe jo kanjar hai kae sadion say
ay mere maan mein her aik dohp se lar sakta hoon
meray sar pe tere chadar hai kae sadion say
mein ne jis ke liya her saks ko naraz kia
roth jayay na yehee dar hai kae sadion say
is ke adat hai jarain kat-te rehnay ki wasi
jo mere zaat ka mehwar hai kae sadion say