keh lia karo(2nd post 4 all of you)

Arts & Culture Poetry ( Intikhaab & Sho'ra-e-Gupshup)
1

har bezabaan ko sholaa_navaa kah liyaa karo
yaaro sukuut hii ko sadaa kah liyaa karo
Khud ko fareb do k na ho talKh zindagi
har sangdil ko jaane-e-wafaa kah liyaa karo
gar chaahate ho Khush rahain kuchh bandagaan-e-Khaas
jitnay sanam hain un ko Khudaa kah liyaa karo
insaan kaa agar qad-o-qaamat na barh sake
tum is ko nuqs-e-aab-o-havaa kah liyaa karo
apane liye ab ek hii raah-e-nijaat hai
har zulm ko razaa-e-Khudaa kah liyaa karo
le de ke ab yahii hai nishaan-e-ziyaa “Qateel” jab dil jale to us ko diyaa kah liyaa karo

2

Re: keh lia karo(2nd post 4 all of you)

apane liye ab ek hii raah-e-nijaat hai
har zulm ko razaa-e-Khudaa kah liyaa karo

hmmmmmmm acha hey bingo ji shabash

3

Re: keh lia karo(2nd post 4 all of you)

Good Oye!!!