read this in the akhbar-e-jehan, so thought i’d share it with u…
a small yet beautiful piece…
maulana roomi aik din khareed-o-farokht ke silsilay me bazar tashreef le ge…
aik dukaan par ja ke woh ruk ge… kia dekhtay hain keh aik aik awrat soda salf le rahee hai… soda khareednay ke baad us awrat ne raqam adaa karni chahee to dukandar ne kaha “ishq me hisaab kitaab kaisa? paisay ki baat cchorro or ghar jaao”… asal me yeh dono aashiq or mashooq thay…
maulana roomi is ki baat sun kar ghash khaa kar gir parray… dukandar sakht ghabraa gaya… is doraan woh awrat wahaan se chali gayee… khasi der baad jab maulana roomi ko hosh aaya to dukandar ne pooccha “maulana saheb! aap kyoon behosh ho ge?”…
maulana roomi ne jawab diya “main is baat per behosh huwa keh tum dono me ishq itna qawi or mazboot hai hai keh aapas me koyee hisab kitab nahin jab keh Allah ke saath mera ishq itna kamzor hai keh main tasbeeh ke daanay bhee gin gin kar giraata hoon”…
sent to akhbar-e-jehan by some ambreen qambar, from baghbaan poora college, lahore