Kash! tuu meray ghar ki deevar ka pathar hota
meiN peham khamushi se tang kar
jab kabhi teri behisi ka shikva karta
teray kanoN ko mera nala sunna paRta
teray khayaloN meiN duba shab-o-roz
meiN yooNhi betha tujhe ghoora karta
vahaN se bhag janaay ki na tujhe qudrat hoti
na iss variftagi pe tera muNh phoola karta
dard had se guzarta tau kisi roz, kisi sham
apna sir tujh pe de mara hota
mera khooN teray rukh pe phela hota
meri maut ka ba’iss teri takkar hota
aur kuch nahiN tau yea hi qatil o maqtool ka rishta hota
kash! tuu meray ghar ki deevar ka ptahar hota
Nuts.
[This message has been edited by nuts (edited January 21, 2002).]