Aadhi raat ko yeh duniya waley
Jab khawabon main kho jatey hain
To ayesey main muhabbat ke rogi
Yadon ke chiraag jalatey hain
Kartey hain muhabbat sab hi magar
Her dil ko sila kab milta hai
Aati hain baharein gulshan main
Her phool magar kab khilta hai
Main ranja na tha, tu heer na thi
Hum apna pyar nibhaa na sakey
Yoon pyar ke khawab to bohat dekhey
Tabeer magar hum paa na sakey
Main ne to bohat chaha lakin
Tu rakh na saki wadon ka bharam
**Ab reh reh kar yaad aata hai **
Jo tu ne kiya is dil pe sittam
Parda jo hata doon chehrey se
Tujhey log kahein ge harjaai
Majboor hoon main dil ke hathon
Manzoor nahin teri ruswai
Socha hai ke apney honton per
Main chup ki moher laga loon ga
**Main teri sulagti yadon se **
Ab is dil ko behlaa loon ga
